معنی غیر ضروری ہے

یہ ایک بے معنی پوسٹ ہے۔ اس کا مطلب یہ نہیں کہ اس سے پہلے جو کچھ لکھا ان میں معنویت تھی۔ وہ بھی بے بعنی ہی تھے۔ لیکن پچھلے فیس بک پوسٹس کی نسبت یہ والی، جی یہی جسے آپ پڑھ رہے ہیں، چارگز آگے بے معنی ہے۔

اور ہاں، میں اس پوسٹ کو کوئی معنی دینا بھی نہیں چاہتا۔ سچی بات تو یہ ہے کہ ہم سب ایک بے معنی اور بے مقصد دنیا میں خود ساختہ معنویت کے فریب تلے زندگی گزار رہے ہیں۔ نہ ہنسنے میں معنی ہے ، نہ رونے میں۔ نہ جینے میں معنی ہے ، نہ مرنے میں۔ زندگی کا ہر فعل،ہر عمل ، ہر قدم ایک غیر معنویت سے ہمیں دوسرے غیر معنویت کی طرف دھکیلتاہے۔ وقت وہ غیر ضروری مادہ ہے جس میں ہم بے مقصد تیر رہے ہیں۔ اور ہاں، وقت بھی بے معنی ہی ہے۔ وقت کو خود بھی نہیں پتا کہ وہ کیوں ہے، کیسے ہے، اور کب نہیں ہوگا۔

وجود بے معنی ہے۔ زمان بے معنی ہے۔ مکان بےمعنع ہے. قیام بے معنی ہے۔ ہر چیز اس پوسٹ کی طرح بے معنی ہے۔ اسے بے معنی ہی رہنے دیجئے۔ اپنی بوسیدہ معنویت مجھ پر نہ تھوپئے اور اگر میں آپ پر اپنی سڑی ہوئی معنویت ٹھونسنے کی کوشش کروں تو مجھے روک دیجئے۔ بے بعنی زندگی گزاریں۔ معنویت فریب ہے۔ مقصدیت دھوکہ ہے۔ (آوارہ خیال)