گلگت بتلستان میں ہر کام فرقہ واریت کی بنیاد پر ہو رہا ہے ----

 گلگت بتلستان میں ہر کام فرقہ واریت کی بنیاد پر ہو رہا ہے  ----

یقینآ

"کرپشن" کے خلاف آواز اٹھانا ہو، "لٹیروں" کو بے نقاب کرنا ہو،  حکومتی عہدوں  اور وزارتوں کی تقسیم ہو ، سرکاری ملازموں کی تقرریاں، سرکاری فنڈز کی تقسیم  یا پھر اداروں پر تنقید اور "خبر نگاری"،  گلگت بلتستان میں 

ہر ایک کام فرقہ وارانہ بنیادوں پر ہو رہا ہے.

اس جرم میں ہم سب شریک ہیں  

اگر ایسا نہیں ہوتا تو کچھ وزرا  اور ممبران اسمبلی چند اضلاع میں    ٢٥٠٠  سے زیادہ دو نمبر تقرریوں کے حوالے سے بھی لب کشائی کرتے، یہ بھی  بتاتے کہ  ایک ضلع میں  سینکڑوں اساتذہ کی دو نمبر تقرریوں کو چیف سیکریٹری کی مداخلت کے بعد منسوخ کیوں کیا گیا ؟ 


کیا  ان دو نمبریوں کے  ذمہ داروں کا تعین کیا گیا ہے؟ کیا کسی کو سزا دی جا رہی ہے؟ کیا اسمبلی کے اندر ان دو نمبروں کے معا ملے کو اٹھایا جایگا؟

 نہیں،  ایسا یہ لوگ کیوں کریں گے؟


 ان  کٹھ پتلی وزراء اور ارکان اسمبلی  کے  تو نسلی اور فرقہ وارانہ مفادات ان دو  نمبریوں سے وابستہ ہیں. یہ کیوں اپنے "بھائیوں اور بہنوں" کے رزق پر لات ماریں گے؟

خواہ ان کا تعلق نام نہاد حکومتی بینچ سے ہو یا پھر اپوزیشن سے، اگر معامله ان کے فرقے اور علاقے کا ہو تو ان کا گھٹ جوڑ کھل کر سامنے آتا ہے اور ان یہ اپنی آنکھوں کے  شہتیروں کو بھول کر دوسروے لوگوں کی آنکھوں میں بال  کی تلاش  شر وع کر دیتے ہیں. .

پالیسی یہی لگتا ہے کہ اپنے فرقے کے لوگوں کی چوریوں کو چھپاو اور دوسروں کو "آئینہ" دکھاو.


 کرپشں کی نشاندہی کرنا غلط نہیں. ناانصافی کا ساتھ دینا بھی نا انصافی ہے، لیکن تسلسل سے دوسروں کی غلطیوں کو اجاگر کرنا اور "اپنوں" کے جرائم پر پردہ ڈالنا بھی جرم میں شریک ہونے کے  برابر ہے . 

آج کل چند علاقائی اخبارات بھی ان سیاست دانوں کی بھر پور مدد کر کے ایک فرقے کے خلاف زہر اگلنے میں مصروف ہیں.


یہ الگ بات ہے کہ ان صحافیوں اور ان کے اخبارات کی خبر نگاری اور پالیسیوں کو  فرقہ وارانہ، نسلی اور علاقائی تعصب کے کیس سٹڈی کے طور پر پیش کیا جا سکتا ہے